AZ. FERNANDO ARENAZ.: octubre 2017

domingo, 29 de octubre de 2017

A TRAVÉS

2007

o ‘A TRAVÉS’. Sala de exposiciones Antón Rivas Briones. Vilagarcía de Arousa (Pontevedra).

programa frankenstein

a posibilidade dunha pintura non conservadora: de a través: existe unha tradición que nega as esencias; constrúese e non rende contas: a furia como acto creativo: a metamorfose como desaparición perante a vista do inimigo:

o inimigo existe:

III

que nada poña medo: edificarse sobre cascallo: black is beauty: a estratexia da música popular é a da guerrilla: infíltrase, golpea e regresa á montaña: así actúan estes materiais:

jm.basquiat é contemporáneo de f.arenaz:

o naturalismo traballa para o capital: post punk significa que agora podes facer o que che dea a gana –ms: hai tránsito, hai movemento: todo o que é sólido se disolve no ar –km:

pintar contra o conformismo óptico: as artes da ensamblaxe porque o real está disciplinado: do que se trata é de asasinar ao adestrador:

VII

a intuición contradí os imperativos:

VIII

a experiencia dos espellos indica resistencia: recuperar o rebo do capitalismo serodio e mudalo en praxe pictórica: por onde sexa que se agarre o pincel, por onde sexa que se escapa da paisaxe:

sempre escoller o monstro:

non consiste en maxia: arquitectura ou anatomía dos días: debaixo da auga desintégranse os límites: a través: rescatar o primitivo pero como emigrante, sobrevivir ao espírito dos tempos:

a mecánica reflicte un país insidioso: fica territorio sen ocupar e a expansión pertence aos espectros: iniciarse nas fantasmagorías e afirmar os espazos externos: o espectador alíase co estado de cousas:

XII

esta pintura non admite espectadores:

XIII

esta pintura procede a violentar idealismos: é consciente das arañas do espectáculo: proclama un programa construtivista: esnaquiza, perverte, deserta: non camiña, avanza: desapega, estraga, odia, acouga,

XIV

derruba edificios novos -en:

dentes rotos: a consigna é kill your idols: peles rebentadas: variedade de intemperies e madeiras queimadas: correntes e turbinas: non é que lle interesen os equilibrios: desequilibra:

XVI

esta pintura enfróntase á academia: non pasa polos centros: atópase nos muros do arrabalde, nas partes de atrás, na cinza, no ceo dos campos do sur: utiliza o mundo como palimpsesto:

XVII

o exilio evita capitulacións:

XVIII

as historias do mito ou os labirintos eléctricos: o modelo para armar e velaí que a pintura se constitúe en blasfemia:

XIX

domina as técnicas da irreverencia: implícase na desmontaxe das hexemonías: unha pintura que non acredita no que está fóra das marxes: que aprende a desaprender: que procura expresión nas aberturas do intacto:

pintar coma quen pinta por primeira vez.

Daniel Salgado